काठमाडौं, माघ २ । हाल देशमा पश्चिमी न्यूनचापीय प्रणालीको आंशिक प्रभाव छ। उक्त प्रभावका कारण आज देशका केही भूभागमा वर्षा र उच्च पहाडी तथा हिमाली क्षेत्रमा हिमपातको सम्भावना रहेको मौसम पूर्वानुमान महाशाखाले जनाएको छ।
महाशाखाका अनुसार अहिले बिहान तराईका केही भूभागमा हुस्सु र कुहिरो लागेको छ। पहाडी भूभागमा आंशिक बदली छ। त्यस्तै, बाँकी भूभागमा मौसम मुख्यतया सफा छ।
महाशाखाका अनुसार आज सुदूरपश्चिम प्रदेशका एकदुई स्थानमा हल्का वर्षाको सम्भावना छ। आज सुदूरपश्चिम प्रदेशका हिमाली र पहाडी भूभागका एकदुई स्थानमा वर्षा र उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको मौसम पूर्वानुमान महाशाखाले जनाएको छ ।
