काठमाडौं, ८ माघ । नेपाली कांग्रेसका प्रभावशाली नेता तथा सांसद दीपक गिरीले परराष्ट्रमन्त्री डा. आरजु राणा देउवाले राम्रो काम गरेको भन्दै प्रशंसा गरेका छन् । हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँगको कुराकानीमा उनले यस्तो बताएका हुन् ।
मन्त्री राणाले नेपालको विदेश सम्बन्ध राम्रो बनाउनको लागि काम गरेको उनको दाबी छ । विपिन जोशीको रिहाईको लागि पनि मन्त्री राणाले कुटनीतिक पहल गरेको भन्दै आफू विपिन चाँडै नेपाल फर्कने उनको विश्वास छ ।
उनले अहिलेको कांग्रेस र एमालेको सरकारको विकल्प खोज्ने बेला नभएको पनि सुनाए । उनले नेपाल विद्युत प्राधिकरणका प्रवन्ध निर्देशक कुलमान घिसिङलाई तत्काल हटाउन नहुने भन्दै काम गर्न दिनुपर्ने सुझाव दिए ।
