कञ्चनपुर, माघ १२ । कञ्चनपुरमा एक भारतीय नागरिक मृत अवस्थामा फेला परेका छन्। पुनर्वास नगरपालिका–४ कार्गिलडाडामा स्थित पुरानो छोडिएको घरको बराण्डामा लख्खिमपुर उत्तरप्रदेश, भारतका निवासी ४० वर्षीय चन्दनकुमार गुप्ता मृत अवस्थामा फेला परेका छन्।
गुप्ता कभाड संकलनको काम गर्दै आएका थिए। जिल्ला प्रहरी कार्यालय कञ्चनपुरले घटनाको पुष्टि गर्दै मृतकको शबलाई पोस्टमोर्टमको लागि पठाएको जानकारी दिएको छ। प्रहरीका अनुसार, गुप्ता गत केही दिनदेखि घरको वरिपरी देखिएका थिए ।मृत्युसम्बन्धी अन्य विवरणको अनुसन्धान भइरहेको छ।
