काठमाडौं, १३ माघ । प्रधानमन्त्री केपी शर्मा ओलीले भारतको ७६औं गणतन्त्र दिवसको अवसरमा शुभकामना दिएका छन् । सो अवसरमा प्रधानमन्त्री ओलीले भारतको आदर्शवान लोकतन्त्र र राष्ट्रिय एकता अझै मजबुद होस भन्ने कामना गरेका छन् ।
साथै, उनले नेपाल र भारतबीचको मित्रतापनि प्रगाढ होस भनेर शुभकामना दिएका छन् । प्रधानमन्त्री ओली भारत भ्रमणको तयारीमा छन् । प्रधानमन्त्री ओलीले आज (आइतबार) सामाजिक सञ्जाल एक्समार्फत यस्तो शुभकामना दिएका हुन् ।
चीन भ्रमण सकेर फर्किएलगत्तै प्रधानमन्त्री ओलीले आफू छिट्टै भारत भ्रमणमा जाने भनेर सार्वजनिक रुपमा नै घोषणा गरेका थिए । उनले भारत जान्छु भनेर घोषणा गरेको एक महिना बितिसकेको छ । तर, अहिलेसम्म भ्रमणको कुनै तयारी भने भएको देखिँदैन् । file photo
