काठमाडौं, १३ माघ । नेपाल इन्भेष्टमेण्ट मेगा बैङ्क लिमिटेडले घण्टाघरमा रहेको शाखा कार्यालय काठमाडौँको प्रदर्शनीमार्गमा सरेको छ । बैङ्कले काठमाडौँ जिल्ला काठमाडौँ महानगरपालिका वडा नम्बर २८ घण्टाघरमा रहेको शाखा कार्यालय सोही वडाभित्र प्रदर्शनी मार्गमा आज (आइतबार) का दिनदेखि स्थानान्तरण गरेको हो। बैङ्कका प्रमुख कार्यकारी अधिकृत ज्योति प्रकाश पाण्डेले शाखाको उद्घाटन गरेका हुन् ।
उक्त शाखाबाट ग्राहकहरूलाई उत्कृष्ट बैङ्किङ सेवा तथा सुविधाहरू दिने पाण्डेको विश्वास छ । प्रदर्शनी मार्ग शाखाबाट आइतबारदेखि नै सम्पूर्ण बैङ्किङ सेवाहरू सुरू भएको छ ।
