काठमाडौं, १४ माघ । नेपाली कांग्रेसका प्रभावशाली नेता तथा सांसद डा. चन्द्र भण्डारीले अहिले देशभरि चक्रव्यूहको जालो लटरम्म भएको टिप्पणी गरेका छन् । उनले अहिले सिंगो देश र यसका संरचना चक्रव्यूहमा परेजस्तो देखिएको बताएका छन् ।
उनले मुलुक चारैतिर विचौलियामय भएको र वातावरणीय परिवेशले गर्दा आँफैमाथि पनि आशंका भएको टिप्पणी गरेका छन् । पछिल्लो समय भण्डारी सरकारको कामकारबाहीलाई लिएरपनि असन्तुष्ट छन् । उनले सार्वजनिक रुपमै सरकार आफ्नो उद्देश्यबाट परपर हुँदै गएको भनेका छन् ।
