काठमाडौं, १७ माघ । बागमतीलाई सडन डेथमा पराजित गर्दै सभापति कपको उपाधि संकटा क्लबले जितेको छ । दशरथ रंगशालामा आज (बिहीबार) भएको खेलमा टाइब्रेकरमा बाग्मतीलाई हराउँदै संकटा ४–३ ले विजयी भएको हो ।
विजेता संकटाका लागि लक्षु थापा, साम कार्लोस, दीप कार्की र सुनिल खड्काले एक एक गोल गरे । बागमतीका लागि नवीन लामा, फोडे फोफाना र सेने एलेक्सले मात्र गोल गरे । निर्धारित ९० मिनेटको खेल गोलरहित बराबरीमा सकिएको थियो ।
विजेताले उपाधिसँगै २६ लाख रुपैयाँ जितेको छ । यस्तै, उपविजेताले भने १३ लाख प्राप्त गरेको हो । विजेता टिम र खेलाडीलाई पुरस्कार भने नेपाली कांग्रेसका सभापति शेरबहादुर देउवाले वितरण गरेका थिए । तस्विर : मुकुन्द कालिकोटे, रिपोर्टर्स क्लब नेपाल
