काठमाडौं, कार्तिक ५ । अमेरिकाविरुद्धको टी २० सिरिजको अन्तिम खेलमा अहिले नेपालले बलिङ गरिरहेको छ । ग्रान्ड प्रेरि स्टेडियममा जारी खेलमा अमेरिकाले टस जितेर पहिले ब्याटिङ रोजेपछि नेपालले बलिङ गरिरहेको हो । आज नेपाली टोलीमा २ परिवर्तन गरिएको छ। करण केसी र सागर ढकालको स्थानमा कुशल मल्ल र ललित राजवंशीले खेल्दै छन्।
सिरिजको पहिलो २ खेलमा भने नेपालले पहिले ब्याटिङ गरेको थियो। ३ खेलको टी २० सिरिजमा लगातार २ खेलमा जित हासिल गरेर नेपालले सिरिज जितिसकेको छ। नेपालले पहिलो खेलमा अमेरिकालाई १७ रनले हराउँदा दोस्रो खेल सुपरओभरमा जितेको हो। यससँगै नेपालले एक खेल अगाव नै सिरिज जितेको थियो।
