काठमाडौं, कार्तिक २१ । मकवानपुरको मनहरीमा बस दुर्घटना हुँदा ३५ जना यात्रु घाइते भएका छन् । काठमाडौंबाट महोत्तरीको लागि छुटेको प्रदेश २(०३(००१ ख ३६२९ नम्बरको बस आज बिहान मनहरी गाउँपालिका(७ समिडाँडा स्थित पूर्वपश्चिम लोकमार्गमा दुर्घटनामा परेको हो ।
मकवानपुर प्रहरीका अनुसार बस आफै अनियन्त्रित भई सडकबाट अन्दाजी १० मिटर तल खसेको छ । दुर्घटनामा परेर घाइते भएका ३५ मध्ये २८ जनाको चितवनस्थित पुरानो मेडिकल कलेज भरतपुरमा उपचार भईरहेको छ । जसमध्ये १३ जनाको अवस्था मध्यम र १५ जनाको अवस्था सामान्य रहेको छ ।
यसैगरी, स्थानिय मनहरी अस्पतालमा ३ जना सामान्य अवस्थाका घाईतेको उपचार भइरहेको र हेटौँडा अस्पतालमा उपचाररत ४ जना घाईते उपचार पश्चात डिस्चार्ज भइसकेका छन् । बसका चालक महोत्तरीको पिपरा गाउँपालिका(२ का ३७ वर्षीय जय किशोर कापरलाई प्रहरीले नियन्त्रणमा लिएको मकवानपुर प्रहरी प्रवक्ता डिएसपी श्यामु अर्यालले बताए ।
