काठमाडौं, कार्तिक २२ । नेपाली बजारमा सुनचाँदीको भाउ ह्वातै घटेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला चार हजार रुपैयाले घटेर एक लाख ६४ हजार ५ सय रुपैयाँमा कारोबार भईरहेको छ।
बुधबार छापावाला सुन प्रतितोला १ लाख ६८ हजार ५ सय रुपैयाँमा कारोबार भएको थियो। त्यसैगरी, आज चाँदीको मूल्य पनि तोलामा ५५ रुपैयाँले घटेको छ । आज चाँदीको मूल्य प्रतितोला १ हजार ९ सय ६० रुपैयाँमा कारोबार भइरहेको छ । बुधबार चाँदी २ हजार १५ रुपैयाँमा कारोबार भएको थियो ।
