काठमाडौं, मंसिर १ । त्रिदेशीय अन्तर्राष्ट्रिय मैत्रिपूर्ण फुटबल फिफा विन्डोअन्तर्गत आज नेपालले अफगानिस्तानसँग खेल्दैछ । ताजकिस्तानको सेन्टर स्टेडियम डुसान्बेमा आज राति पौने ९ बजे शुरु हुने खेलमा नेपालले अफगानिस्तानसँग ११ वर्षपछि खेल्न लागेको हो ।
फिफा वरीयतामा नेपालभन्दा अफगानिस्तान २५ स्थान माथि रहेको छ । सन् २०१३ मा काठमाडौंमा भएको साफ च्याम्पियनसिपमा नेपाल र अफगानिस्तानबीच प्रतिस्पर्धा भएको थियो । जसमा अफगानिस्तानले १–० गोलको जित निकालेको थियो ।
