काठमाडौं, १ मंसिर । नेपाली कांग्रेसका सभापति शेरबहादुर देउवा र देउवाकी पत्नी डा. आरजु राणा यतिवेला गृहजिल्ला डडेल्धुरामा छन् । देउवा एक साताअघि नै उता पुगेका हुन भने आरजु हिजोमात्रै त्यहाँ पुगेकी हुन् ।
अहिले आरजु परराष्ट्रमन्त्रीको जिम्मेवारीमा छिन् । उनी केही दिनभित्रै चीन भ्रमणमा जाने तय भएको छ । त्यसअघि उनी पति देउवाको गृहजिल्लामा लाग्ने विभिन्न धार्मिक तथा सांस्कृतिक मेलामा सहभागी हुन डडेल्धुरा पुगेकी हुन् । आज देउवा दम्पत्ति जिल्लाकै प्रसिद्ध मन्दिर उग्रतारामा लाग्ने मेलामा सहभागी भएका छन् ।
