मेरो चीन भ्रमण अत्यन्तै सफल रहनेछ, म आँफै उपलब्धिबारे सम्प्रेषण गर्नेछु : प्रधानमन्त्री ओली

काठमाडौं, ७ मंसिर । प्रधानमन्त्री केपी शर्मा ओलीले आफ्नो आसन्न चीन भ्रमण सफल हुने दाबी गरेका छन् । काठमाडौंको दरबारमार्गमा आयोजित जागरणसभालाई सम्बोधन गर्ने क्रममा उनले यस्तो खुलाएका हुन् ।

उनले भने,‘प्रधानमन्त्रीको हैसियतमा म चीन भ्रमणमा जाँदैछ । चीन भ्रमण अत्यन्तै सफल रहनेछ । चीनबाट फर्किएपछि कसरी सफल भयो भन्नेबारे म आँफैले पनि सम्प्रेष्ण गर्नेछु । म उपलब्धि लिएको कुरा भन्छु । देशको हित र भलाईको लागि कुनैपनि देशको भ्रमण गरिन्छ । हाम्रा भ्रमणहरुलाई सफलतापूर्वक उल्लेख्य रूपमा प्रस्तुत गरिनेछ । म ढुक्कले यो कुरा भन्न चाहन्छु ।’

Photo By: Mukunda Kalikote/ReportersNepal