नेपालले आगामी दशकमा विकासको गतिमा फड्को मार्ने एमाले नेता भट्टराईको दाबी

काठमाडौं, २० मंसिर । नेकपा (एमाले) का प्रभावशाली नेता तथा बाग्मती प्रदेशको इन्चार्ज डा. राजन भट्टराईले नेपालले छिमेकी मुलुकसँगको कनेक्टिभिटीमा फड्को मारिरहेको बताएका छन् ।

भारत र चीनसँगको सडक सञ्जालको विवरण पेश गर्दै भट्टराईले नेपालले आगामी दशकमा विकासको गतिमा फड्को मार्ने आधार निर्माण भएको पनि दाबी गरेका छन् । प्रधानमन्त्री केपी शर्मा ओलीको चीन भ्रमणमा भएको सहमित तथा सम्झौतालक्षित भट्टराईले आफ्नो धारणा सार्वजनिक गर्ने क्रममा यस्तो बताएका हुन् ।

उनले फेशबुकमा लेखेका छन्–

नेपालले छिमेकी मुलुकसंगको कनेक्टीभिटीमा फड्को मार्दैछ :
१. सडक संन्जाल:
क) दक्षिणतर्फ भारतसँग बिरगंज, बिराटनगर, भैरहवा र कञ्चनपुरमा Integrated Check Posts निर्माण र सञ्चालन
ख) उत्तरतर्फ चीनसँग तातोपानी, रसुवागढी, कोरला, हिल्सा र किमाथाङ्कामा सडक सञ्जाल र ड्राईपोर्टहरु (कतिपय प्रस्तावित) को निर्माण र सञ्चालन
२. अन्तरदेशीय प्रसारण लाइन:
क) दक्षिणतर्फ भारतसँग ढल्केबर – मुज्जफरपुर र बुटवल – गोरखपुर अन्तर देशीय प्रसारण लाइनको निर्माण र संचालन गरेर
ख) उत्तरतर्फ चीनसँग प्रस्तावित रसुवा – केरूङ र किमाथाङ्काको अन्तर्देशीय प्रसारण लाइनको निर्माण सम्पन्न गरेर
३. रेल्वे सञ्जाल (प्रस्तावित):
क) काठमाडौँ – रक्सोल रेल्वे निर्माण सम्पन्न गरेर
ख) काठमाडौँ – केरुङ रेल्वे निर्माण र संचालन गरेर
यसका अलावा सञ्चालनमा रहेको हवाई यातायातको बिस्तार, भरपर्दो संचारको संजाल निर्माणले विश्वकै धेरै जनसङ्ख्या र उदीयमान अर्थतन्त्रसँग जोडिदै नेपालले आगामी दशकमा विकासको गतिमा फड्को मार्नका लागि आधार निर्माण गरेको छ । हामी सबैलाई शुभकामना !