काठमाडौं, २ पुष । नेकपा (एमाले) डोटीको अध्यक्षमा मञ्जु मलासी निर्वाचित भएकी छिन् । जिल्ला कमिटीको नवौं अधिवेशनअन्तर्गत नेतृत्व चयनका लागि भएको निर्वाचनको आज बिहान सार्वजनिक भएको परिणाम अनुसार मलासी २१५ मत ल्याएर अध्यक्ष निर्वाचित भएकी हुन् ।
अध्यक्षमा प्रतिस्पर्धी शेरबहादुर मल्लले १७१ मत प्राप्त गरेको एमालेले जनाएको छ । यस्तै, जिल्ला कमिटीको उपाध्यक्षमा खगेन्द्र बढैला निर्वाचित भए ।
त्यसैगरी,सचिवमा पदमराज भट्ट, दुईजना उपसचिवमा डम्बरसिंह डौडी र बिस्ना सिंह निर्वाचित भए । जिल्ला कमिटीका पाँचै पदाधिकारीमा एकभन्दा बढी आकाङ्क्षी भए पछि निर्वाचन भएको थियो ।
