काठमाडौं, ४ पुष । नेकपा (एमाले) का स्थायी कमिटी सदस्य एवम् बाग्मती प्रदेश इन्चार्ज डा. राजन भट्टराईले पार्टीले खटाएको ठाउँमा जिम्मवारीपूर्वक काम गर्न सम्पूर्ण नेताहरूलाई निर्देशन दिएका छन् ।
नेकपा (एमाले) बाग्मती प्रदेश कमिटीद्वारा आयोजित विभागीय प्रमुख र सचिवहरूको बैठकलाई सम्बोधन गर्दै उनले पार्टीले खटाएको जिम्मेवारी पुरा नगर्ने, असन्तुष्टि व्यक्त गर्ने नेताहरूलाई विदाई गरिने चेतावनी दिए । नेता भट्टराईले भूगोलमा जाने वित्तिकै टिकट नपाउने प्रष्ट पार्दै आफूलाई मन नपरेको जिम्मेवारी पूरा गर्नुहोस्, मन नपरेको ठाउँमा जानुहोस् तपाईहरूको मूल्याङ्कन हुने बताए।
पार्टीको बैठकमा आउने हाजिर गरेर हिड्ने प्रवृत्ति नेताहरूमा बढेको बताउँदै इन्चार्ज भट्टराईले अनुशासन विना पार्टी, परिवार र स्वयं व्यक्ति पनि नचल्ने बताउँदै एमाले बाग्मती कमजोर भयो भने सिङ्गो पार्टी कमजोर हुने कुरालाई ध्यानमा राखेर काम गर्न निर्देशन दिए । उनले एमाले विना देश विकासको गति अवरोध हुने बताए । file photo
