काठमाडौं, १८ पुष । नेपाली कांग्रेसका सभापति शेरबहादुर देउवाले पार्टीका शीर्ष नेताहरुसँग छलफल गरेका छन् । आजको राज्य व्यवस्था समितिमा भ्रष्टाचार निवारण ऐनबारे छलफल हुने कार्यसूचि छ । त्यसअघि नै सभापति देउवाले समितिका सभापति रामहरि खतिवडासहित पार्टीका शीर्ष नेताहरुसँग छलफल गरेका हुन् ।
छलफलमा महामन्त्री गगन थापापनि सहभागी छन् । यता सभापति देउवा महामन्त्री थापासहितका नेताहरु श्याम घिमिरे र जीवन परियारसँग छलफलमा जुट्दा उता शहरी विकासमन्त्री प्रकाशमान सिंहको च्याम्बरमा भने अहिलेको सरकारमा कांग्रेसबाट सहभागी मन्त्रीहरु छलफलमा जुटेका छन् । मन्त्री सिंहको च्याम्बरमा भएको छलफलको विषय भने खुलाईएको छैन् ।
