काठमाडौं, १६ माघ । नेपाली कांग्रेसका प्रभावशाली नेता तथा पूर्वमन्त्री सञ्जय गौतमले अहिले जनता आशाभन्दा निराशामा बढि रहेको टिप्पणी गरेका छन् । देशमा विद्यमान मुख्य राजनीतिक दलहरुले जनतामा छाएको निराशालाई चिर्नुपर्नेमा उनको जोड थियो ।
आज (बुधबार) विहान नेपाली रेडियो नेटवर्कबाट प्रसारण भएको नेपाली बहस कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । कांग्रेस र एमालेको दुई तिहाई बहुमतको सरकार ढल्छ भनेर माओवादी केन्द्रका अध्यक्ष पुष्पकमल दाहाल कुर्लनु व्यर्थ भएको टिप्पणी गरे ।
उनले अहिलेको सरकारलाई राष्ट्रिय सहमतिको सरकार बनाएर संविधान संशोधन गर्नुपर्नेमा जोड दिए । उनले संविधान जारी भएको १० वर्ष हुन लागेको भन्दै त्यसको लागि पनि संविधान संशोधन गर्नुपर्ने बेला भएको औंल्याए ।
