काठमाडौं, २३ जेठ । त्रिभुवन आर्मी क्लब प्रधानमन्त्री कप एक दिवसीय राष्ट्रिय क्रिकेट प्रतियोगिताको फाइनलमा पुगेको छ ।
मंगलबार भएको दोस्रो सेमिफाइनलमा पश्चिमाञ्चल विकास क्षेत्रमाथि सनसनीपूर्ण ४ विकेटको जित हासिल गर्दै आर्मीले फाइनलमा ठाउँ बनाएको हो ।४९ ओभरमा २३६ रनको चुनौती पछ्याएको आर्मीले ४ बल खेल्न बाँकी छँदै ६ विकेटको क्षतिमा पूरा गर्यो । सागर पुनले ६५ तथा राजेश पुलामी मगरले ५३ बलमा अविजित रहँदै ५५ रन बनाए ।
यसअघि पहिले ब्याटिङ गरेको पश्चिमाञ्चलले ९ विकेटको क्षतिमा २३५ रन बनाएको थियो ।आठौं विकेटका लागि १५ रनको कीर्तिमानी साझेदारी गर्नेक्रममा सौरभ खनालले ८६ बलमा ८ छक्काको मद्दतले ८२ तथा कृष्ण कार्कीले ८९ बलमा ६ छक्काको मद्दतले ७५ रन जोडे ।
फाइनल खेलमा आर्मीले बिहीबार उपाधिका लागि नेपाल पुलिस क्लबको सामना गर्नेछ ।पुलिसले पहिलो सेमिफाइनलमा सोमबार सशस्त्र प्रहरीलाई ३४ रनले हराएको थियो ।
प्रतियोगिताको विजेताले अहिलेसम्मकै सर्वाधिक २० लाख रुपैयाँ पुरस्कार जित्नेछ ।
