काठमाडौँ, २५ जेठ । राष्ट्रिय समाचार समिति (रासस)को सञ्चालक समिति सदस्यमा पत्रकार डिल्लीराम भट्टराई नियुक्त हुनुभएको छ ।
गोलधाप–१, झापाका स्थायी बासिन्दा भट्टराई यही जेठ २२ गतेको मन्त्रिस्तरीय निर्णयअनुसार चार वर्षका लागि सञ्चालक समिति सदस्यमा नियुक्त हुुनुभएको हो । रासस ऐन, २०१९ को दफा ८ को उपदफा (१) घ बमोजिम पत्रकार भट्टराईलाई सञ्चालक समिति सदस्यमा नियुक्त गरिएको सूचना तथा सञ्चार मन्त्रालयले जानकारी दिएको छ ।
जनधारणा साप्ताहिकबाट पत्रकारिता सुरु गर्नुभएका सदस्य भट्टराईले राइजिङ नेपाल, राजधानी दैनिक, नेपाल ट्राभलर, न्यूज २४ को टेलिभिजनमा काम गरिसक्नुभएको छ । यस्तै मदन भण्डारी कलेजका पत्रकारिता विभाग प्रमुखसमेत रहिसक्नुभएका भट्टराई हाल सेन्ट जेभियर्स कलेजमा पत्रकारिता विषयमा अध्यापन गराउँदै आउनुभएको छ ।
विगत पाँच वर्षदेखि उहाँले समय सन्दर्भ पाक्षिकको प्रधानसम्पादकको जिम्मेवारी सम्हाल्दै आउनुभएको छ । रासस
