काठमाडौं, ९ असार । यसवर्षको एसइइ परीक्षामा काठमाडौं विद्या मन्दिरका बादल कोइराला प्राइभेट एण्ड बोर्डिङ स्कुल अर्गनाइजेशन (प्याब्सोक) तर्फ उत्कृष्ट अंक ल्याउन सफल भएका छन्।
२० वटा स्कुल सदस्य रहेको प्याक्सोकमा केभिएमका कोइराला उत्कृष्ट भएका हुन्। उनले एक प्लस ३ दशमलव ८५ अंक ल्याएका हुन्। मेहनती र तीक्ष्ण दिमाग भएका कोइरालाले भविष्यमा डाक्टर बन्ने उद्देश्य लिएको बताए।
निरन्तरको मेहनतले विद्यार्थीलाई सफलता मिल्ने उनले बताए। यसवर्षको एसइइ परीक्षामा केभिएम स्कुलले आठ जना ए प्पस, दश जना ए र चार जनाले बी प्लस ल्याउन सफल भएको स्कुलका प्रिन्सिपल मिनकुमार कोइरालाले जानकारी दिए।
