काठमाडौं, २१ भदौ। त्रि.वि शिक्षण अस्पताल, महाराजगञ्जका हाडजोर्नी विशेषज्ञ डा. गोविन्द केसीको अनसन स्थगित भएको छ ।
डा. केसीले चाडपर्वलाई मध्यनजर गरी अनसन स्थगित गरेको जनाइएको छ । साथै त्रि.वि कार्यकारी परिषद्को वैठकले काठमाडौको घट्टेकुलोस्थित नेशनल मेडिकल कलेजको सम्बन्धन खारेज गरेसँगै डा. केसीले बुधबारदेखि बस्ने भनेको १२ औ अनसन स्थगित गरेका हुन् ।
उनले गत भदौ ११ गते प्रेस विज्ञप्ती जारी गरी नेशनल कलेजको सम्बन्ध खारेज नगरे यही भदौ २१ गतेदेखि १२ औं आमरण अनसन बस्ने चेतावनी दिएका थिए ।
