काठमाडौं, १ कार्तिक । उपराष्ट्रपति नन्दबहादुर पुन “पासाङ’’ ले नेपालीहरुको महान् पर्व तिहारको शुभ अवसरमा सम्पूर्ण नेपालीहरुको सुख, शान्ति, समृद्धि, दीघार्यु, निरन्तर प्रगति र उज्ज्वल भविष्यको कामना गर्दै आज चियापान आयोजना गरेका छन् ।
उपराष्ट्रपतिको कार्यालय बहादुर भवनमा आयोजित चियापानमा राष्ट्रपति विद्यादेवी भण्डारी, पूर्वप्रधानमन्त्रीहरु पुष्पकमल दाहाल प्रचण्ड, केपी शर्मा ओली, माधव कुमार नेपाल, झलनाथ खनाल, लोकेन्द्र बहादुर चन्द, मन्त्रिपरिषदका पूर्व अध्यक्ष खिलराज रेग्मी, सुरक्षा निकायका प्रमुखरु र कुटनीतिक नियोगका प्रमुखहरुको बाक्लो उपस्थिति थियो ।
चियापानमा प्रधानमन्त्री शेरबहादुर देउवा, माओवादी केन्द्रका विना विभागीय मन्त्रीहरु कसैको पनि उपस्थिति थिएन् ।
तस्विर : मुकुन्द कालिकोटे
