सिजनको सुरुवातमै मेसीको १२ गोल
काठमाडौं, १२ कार्तिक । स्पानिस जायन्ट बार्सिलोनाले स्पेनिस ला लिगामा आफ्नो अपराजित यात्रा कायम राखेको छ ।
लिग अन्तर्गत शनिबार राति भएको खेलमा लिग लिडर बार्सिलोनाले एथ्लेटिको बिल्बाओलाई २–० ले हराएर अपराजित यात्रा कायम राखेको हो ।
अवे मैदानमा भएको खेलमा बार्सिलोनालाई जिताउन लियोनल मेस्सी र पाउलिन्होले गोल गरे । ३६ औं मिनेटमा मेस्सीको गोलबाट बार्सिलोनाले अग्रता लियो ।
मेस्सीले यो सिजन लिगमा १२ गोल गरिसकेका छन् । दोस्रो हाफमा बिल्बाओले बार्सिलोनालाई दबाबमा राख्यो । तर इन्जुरी समयमा पाउलिन्होलो गोल गर्दै बार्सिलोनालाई २–० को महत्वपूर्ण जित दिलाए ।
जितपछि शीर्ष स्थानको बार्सिलोनाको १० खेलबाट २८ अंक भएको छ ।बार्सिलोना तेस्रो स्थानमा रहेको रियल मड्रिड भन्दा ८ अंकले अघि रहेको छ । राति नै भएको खेलमा एलाभेसलाई २–१ ले हराएको भ्यालेन्सिया १० खेलबाट २४ अंकसहित दोस्रो स्थानमा कायम छ ।
अर्को खेलमा लेगानेसलाई २–१ ले नै हराएको सेभिल्ला १० खेलबाट १९ अंकसहित पाँचौं स्थानमा उक्लिएको छ । राति नै भएको अर्को खेलमा एथ्लेटिको मड्रिड भने बराबरीमा रोकियो । एथ्लेटिको मड्रिडले भिल्लारियलसँग १–१ को बराबरी खेल्दै अंक बाँडेको हो । चौथो स्थानको एथ्लेटिको मड्रिडको १० खेलबाट २० अंक भएको छ । एजेन्सीको सहयोगमा
