काठमाडौं, २३ मंसिर । पशुपति शमशेर जबरा अध्यक्ष रहेको राप्रपा प्रजातान्त्रिकले प्रत्यक्षतर्फ एक सिटपनि नजित्ने संभावना बढेर गएको छ । उसले लज्जास्पद हार व्यहोर्ने संकेत देखिएको छ । पार्टी अध्यक्ष राणा सिन्धुपाल्चोक २ बाट पराजित भइसकेका छन् ।
राणाले त हारे हारे तर उनका पार्टीबाट चुनावी प्रतिष्पर्धामा रहेका अन्य उम्मेद्धवारहरु पनि पराजित हुने तर्फ उन्मुख छन्। यो सँगै अब राप्रपा प्रजातान्त्रिक राष्ट्रिय पार्टी नबन्ने अवस्थातिर उन्मूख भएको छ । पटक पटक विभिन्न सरकारमा मन्त्री बन्दै आएका नेताहरुले प्रत्यक्षतर्फको चुनाव जित्न सकेनन् भने यो दल राष्ट्रिय पार्टीको रिङबाट आउट हुने पक्का भएको छ । राष्ट्रिय पार्टी बन्ने दलले प्रत्यक्षमा कम्तिमा एक सिट जित्नैपर्ने प्रावधान छ ।
राप्रपा प्रजातान्त्रिकका नेता एवम् बहालवाला मन्त्री विक्रम पाण्डे चितवनमा बाम गठबन्धनका उम्मेद्धवार एवम नेकपा माओवादी केन्द्रका अध्यक्ष पुष्पकमल दाहाल प्रचण्डसँग चुनाव लडेका छन् पाण्डे प्रचण्डभन्दा निकै पछि परेका छन् ।
त्यस्तै राप्रपा प्रजातान्त्रिकका नेता सुनील थापा धनकुटामा फराकिलो मतान्तरले पछाडि छन् यता रुपन्देही ३ मा एमालेका घनश्याम भुसालले राप्रपा प्रजातान्त्रिकका दीपक बोहोरालाई पछि पारिरहेका छन् । अहिलेको मतपरिणामको रुझान हेर्दा राप्रपाका जित्ने भनिएका नेताहरु नै पराजित हुने अवस्थामा पुगेका छन् ।
