काठमाण्डौ, ७ फाल्गुन । राष्ट्रिय समाचार समितिले आफ्नो वार्षिकोत्सवको अवसरमा पत्रकार जिवन भण्डारिलाई सम्मानित गरेको छ ।
राष्ट्रिय समाचार समिति (रासस)को ५७औँ वार्षिकोत्सवको अवसरमा आज केन्द्रीय कार्यालय भद्रकाली प्लाजामा आयोजित विशेष समारोहमा भण्डारीलाई सम्मान गरेको हो ।
राससका कर्मचारीका लागि स्वास्थ्य शिविर र स्वास्थ्य बीमा कार्यक्रम ल्याउन भूमिका निर्वाह गरेबापत अन्तर्रा्ष्ट्रिय शाखाका भण्डारीलाई सम्मान गरेको हो ।
उहालाई कदरपत्रसहित राससका अध्यक्ष कुलचन्द्र वाग्लेले सम्मान र पुरस्कार प्रदान गर्नुभएको हो । रासस शाखाले राससमा कार्यरत अन्य विभिन्न व्यक्तित्वलाई सम्मान गरेको छ ।
