काठमाडौं, २० चैत्र । समाजसेवी एवम् व्युटिसियन सरस्वती श्रेष्ठ (सरु) रिपोर्टर्स क्लब नेपालद्धारा सम्मानित भएकी छिन् ।
क्लबले आफ्नो स्थापनाको वीसौं वार्षिकोत्सवको अवसरमा काठमाडौंमा आयोजना गरेको विशेष समारोहमा श्रेष्ठ “रिपोर्टर्स क्लब नेपाल विशेष सम्मान” बाट सम्मानित भएकी हुन् ।
प्रधानमन्त्री केपी शर्मा ओली, नेकपा माओवादी केन्द्रका अध्यक्ष पुष्पकमल दाहाल प्रचण्ड र क्लबका सभापति ऋषि धमलाले संयुक्त रुपमा श्रेष्ठलाई सम्मानपत्र प्रदान गरेका हुन् ।
नेपालको सामाजिक क्षेत्रमा महत्वपूर्ण योगदान पुर्याएबापत उनलाई सम्मान गरिएको हो । श्रेष्ठले समाजसेवाको अलावा ब्युटिसियनका रुपमा समेत आफूलाई स्थापित गरेर महत्वपूर्ण योगदान पुरयाएकी छिन् ।
समाजमा रहेका पीडित तथा दिनदुखी महिलाहरुलाई सिपमुलक तालिम प्रदान गरेर आत्मनिर्भर बनाउने उनको योजना छ । त्यस्तै, महिला उद्यमलाई बढावा दिनेगरि विदेशी परियोजनाहरु नेपाल भित्र्याउने उनको तिव्र चाहना छ ।
