राधिका हमाल भन्छिन् : मलाई मनपराउने धेरै हुनुहुन्छ, (धमला धमला ऋषि धमला) (भिडियोसहित)

साँझ बेलुका विहान सधैँ मिडियामा कराउने
किन होला तिमीसँग नेता पनि डराउने
धमला धमला ऋषि धमला
चर्का कुरा नगर बोली समाल

असार २, काठमाण्डौ । गायिका राधिका हमालले कलाकारहरू विदेश पलायन हुने परम्पराको विरोध गरेकी छिन् ।उनले कलाकारहरूलाई आफ्नै देशभित्र दुःख सुख्ख गरेर बस्न सुझाव दिएकी छिन् । “म विदेशमा पलायन हुन्न’, गायिका हमालले भनेकी छिन्, ‘दुःख सुख गरेर नेपालमै बस्नुपर्छ ।”

गायिका हमालले विदेश घुम्न र कार्यक्रमका लागि गए पनि विदेश पलायन नहुने बताएकी हुन् । ‘मेरो आफ्नै रेकर्डिङ स्टुडियो छ । म राजनीतिमा पनि सक्रिय छु । विदेश गएर बस्ने कुनै योजना छैन ।’

https://www.youtube.com/watch?v=LXknaNzltNs

हमाल अहिले तीजको गीतको तयारीमा रहेकी छिन् । “अहिले रेकर्डिङ चलिरहेको छ । तीजलाई लक्षित गरेर माया र माइतीका गीत बनाउँदैछु ।” हमालले भनिन् ।

उनले पछिल्लो सयम एकनारायण भण्डारीले लेखेको लाहुरे बोलको गीत गाएकी छिन् । उनको सदाबहार गीत ढल्क्यो जवानी निकै चर्चित थियो ।

उनी भन्छिन्, “मलाई मनपराउने धेरै हुनुहुन्छ । चोखो माया सबैभन्दा धेरै छ । युवादेखि वृद्धसम्मले मन पराएकाले लोकप्रिय हुन सफल भएको छु ।”