काठमाडौं, ९ असार । बलिउड अभिनेत्री प्रियंका चोपडा आजभोलि आफ्नो प्रेमको कारण चर्चामा छिन् । केही समय यता अमेरेकी गायक निक जोनासको साथमा देखिरहेकी प्रियंका लामो समयदेखि उनैसँग प्रेम सम्बन्धमा रहेको खुलास भएको छ ।
प्रियंका र निकको लामो समयदेखिको प्रेम प्रचारलाई शान्त पार्न प्रियंका यतिवेला निकलाई लिएर ईन्डिया आइपुगेकी छिन । हालैमात्रै उनीहरु दुबैलाई मुंम्बई बिमानस्थलमा देखेपनि पापाराजी पत्रकारले उनीहरुको फोटो क्यामेरामा कैद गर्न सकेनन्।
मुंम्बई बिमानस्थलमा एकछिन मात्र देखिएका उनीहरु पापाराजी पत्रकारकै कारण सार्वजनिक हुन नसकेका हुन् । अमेरीकाको लस एन्जल्स्मा क्यामेरामा देखिन नहिँचकिचाउने उनीहरु मुम्बईमा भने कारको सिसामा समेत पर्दा लगाएर हिँडेका थिए ।
मुम्बईका फोटोपत्रकार विराल भयानले आफ्नो इंस्ट्राग्राममा लेखेका छन,‘मैले भनेजस्तै प्रियंका आफ्ना प्रेमीको साथमा कसैलाई जानकारी नै नदिई मुम्बई आईपुगेकी छिन् तर उनीहरुले कुनै फोटो खिच्ने अवसर नै दिएनन् ।’
भारतीय खवरहरुका अनुसार प्रियंकाले आफ्नो नयाँ घरमा निकलाई एक सानदार पार्टी दिने कार्यक्रम समेत तय भैसकेको छ । जहाँ उनले आफ्नी आमा तथा परिवारका अन्य सदस्यहरुसंग परिचय गराँउनेछिन । प्रियंकाले पार्टी आयोजना गर्ने त्यो घरको अहिलेको मुल्य भारु १०० करोड भन्दापनि बढिरहेको जनाइएको छ ।
प्र्रियंकाले मुम्बई आउनुपुर्व नै निक जोनसको परिवारसंग भेटिसकेकी छिन । एक फिल्मी कार्यक्रममा उनीहरु एकअर्काको हात समातेर हिँडिरहेको फोटोहरु समेत सार्वजनिक भएका थिए ।
विभिन्न एजेन्सीहरुले जनाए अनुसार पहिलो चोटि निक र प्रियंकाको भेट ‘क्वान्टिको’को सेटमा भएको थियो । पछिल्लो वर्ष डिसेम्बरमा निकले ‘जुमाजीः वेलकम टू द जंगल’को प्रचारका लागि भारत आउने ईच्छा देखाएका थिए । अब उनलाई प्रियंकाभन्दा अरु कसले भारतको दर्शन गराउन सक्लान । एजेन्सीको सहयोगमा
