![](https://reportersnepal.com/wp-content/uploads/2018/08/4-10-768x450.jpg)
काठमाडौँ, २८ साउन / सञ्चार, सूचना र प्रविधिमन्त्री गोकुलप्रसाद बाँस्कोटाले सरकार र निजी क्षेत्रको संयुक्त सहभागिताले मात्र मुलुकको दिगो आर्थिक विकासको लक्ष्य पूरा हुने बताउनुभएको छ ।
![](https://reportersnepal.com/wp-content/uploads/2024/08/classic-1.gif)
नेपाल उद्योग वाणिज्य महासङ्घले आयोजना गरेको ‘कागज प्रयोगविहीन समाज र विद्युतीय रोजगार’ विषयको अन्तक्र्रियामा उहाँले सरकार जनताको चाहनानुरुपको अपेक्षित लाभ पु¥याउन हरदम निजी क्षेत्रसँग सहकार्य गर्न तयार रहेको प्रतिबद्धता व्यक्त गर्नुभयो ।
सरकारले लगानीमैत्री वातावरण निर्माण गर्न कुनै कञ्जुस्याइँ नगरेको बताउँदै मन्त्री बाँस्कोटाले भन्नुभयो, “निजी क्षेत्रले पनि राष्ट्र र जनतालाई हितमा राखेर सूचना र प्रविधिको क्षेत्रलाई जनमैत्री बनाउनुपर्छ र लगानी गर्नुपर्छ ।”
मन्त्री बाँस्कोटाले सरकार २९ हजार सरकारी विद्यालयमा पढ्ने सबै विद्यार्थीले कम्प्युटर प्रयोग गर्न जानून् भन्ने चाहन्छ भन्दै विद्यालयमा सूचना प्रविधि जान्ने शिक्षकको अभाव, भौगोलिक विकटता तथा पूर्वाधार र विद्युतीय सेवा नपुग्नाले सरकारको चाहनामा केही कठिनाइ र ढिला हुन गएको हो भन्नुभयो ।
कार्यक्रममा नेपाल उद्योग वाणिज्य महासङ्घका अध्यक्ष भवानी राणाले युगअनुसारको योजनाका साथ जनताको चाहनानुरुप सूचना र प्रविधिमैत्री विकास आजको आवश्यकता रहेको औँल्याउनुभयो । (रासस)
तस्विर :मुकुन्द कालिकोटे
![](https://reportersnepal.com/wp-content/uploads/2023/01/hamro-patro.gif)
![](https://reportersnepal.com/wp-content/uploads/2024/01/Upgrade-reporter.gif)