असोज १, काठमाण्डौ । अनुराग प्रदर्शनको मिति काउन्टडाउन सुरु भएको छ । असोज १२ गते प्रदर्शनमा हुने चलचित्र अनुरागप्रति कलाकारदेखि नेताहरुसम्म हेर्न इच्छुक देखिएका छन् ।
भारतीय चलचित्रका चर्चित नायक गोविन्दादेखि नेपालका महानायक राजेश हमालसम्मले चलचित्र अनुराग हेर्ने इच्छा व्यक्त गरेका छन् ।
ऋषि धमलालाई राजेश हमालले टेलिफोन गरेर अनुराग हेर्न जाने बताएका छन् ।
“ऋषि जि, तपाईले पहिलोपटक चलचित्र बनाउनुभएको छ । अनुराग सफल बनाउन म पनि सहयोग गर्छु ।” हमालले भने, “१२ गते हलमै पुग्छु । एलिजाले कस्तो अनुभव गर्नुभएको छ, हेर्न मन लागेको छ ।”
गोविन्दाले भारत जानुअघि ऋषि धमलासँग कुरा गर्दै भने, “तपाईले बनाउनुभएको फिल्म मैले हेर्न पाइन, म हिन्दी भाषामा डबिङ भयो भने हेर्छु ।”
