काठमाडौं, १ मंसिर । आगामी मंसिर २६ गते रामजानकी विवाहपञ्चमीको अवसरमा भारतको अयोध्याबाट जन्ती बनेर उत्तर प्रदेशका मुख्यमन्त्री आदित्यनाथ योगी आउने भएका छन् । यसअघि भारतबाट गृहमन्त्री राजनाज सिंह आउने कार्यक्रम तय भएको थियो । तर, सिंह नआउने भएपनि मुख्यमन्त्री योगी जन्ती लिएर आउने कार्यक्रम तय भएको छ ।
भारतीय गृहमन्त्री राजनाथ सिंहको जनकपुर भ्रमण रद्द भएको छ । यसअघि भारतीय प्रधानमन्त्री नरेन्द्र मोदी जनकपुर आउने कार्यक्रम स्थगित भएपछि गृहमन्त्री सिंह जनकपुर आउने निश्चित भएको थियो । तर उनी पनि नआउने निश्चित भएको जानकी मन्दिर व्यवस्थापन समितिले जनाएको छ ।
