काठमाडौं,३ पुस। युरोपियन च्याम्पियन्स लिग फुटबलको नक आउट चरणको खेल तालिका सार्वजनिक भएको छ ।सार्वजनिक गरिएको खेल तालिका अनुसार इङ्लिस क्लब म्यान्चेष्टर युनाईटेडले फ्रान्सको पेरिस सेन्ट जर्मेन पीएससंग, लिभरपुलले जर्मन क्लब वायर्न म्युनिखसँग र म्यान्चेस्टर सिटीले शाल्कासँग तथा टोटनह्याम हट्सपरले बोरुसिया डर्टमण्डसँग प्रतिस्पर्धा गर्ने देखिएको छ ।
युभेन्ट्सले स्पेनिस क्लब एट्लेटिको मड्रिडसँग खेल्ने खेलतालीका रहेको छ भने ईटालीयन क्लब ए एस रोमाले पोर्चगलको एफसी पोर्टोसँग प्रतिस्पर्धा रहने देखिएको छ ।यसैगरी, बार्सिलोनाले फ्रान्सको लियोसँग भिडन्त पक्का भएको छ भने रियल मड्रिडको आयाक्स एम्सटरडमसँग खरो प्रतिस्पर्धा देखिने भएको छ।
सार्वजनिक खेल समय तालीका अनुसार अन्तिम १६ को पहिलो लेगको खेल यही फेब्रुअरी १२, १३, १९ र २० गते हुने जताईएको छ भने दोस्रो लेगको खेल मार्च ५, ६, १२ र १३ मा खेलाईने जनाइएको छ ।
