काठमाडौं, १६ पुस । प्रमुख प्रतिपक्षी दल नेपाली कांग्रेसका नेता गगन कुमार थापाले नेकपाका अध्यक्ष एवम् पूर्व प्रधानमन्त्री पुष्पकमल दाहाल प्रचण्ड र राजा महेन्द्र एउटै भएको टिप्पणी गरेका छन् ।
४३ औं राष्ट्रिय एकता तथा मेलमिलाप दिवसको सन्दर्भमा सोमबार काठमाडौंमा आयोजित एक कार्यक्रममा बोल्दै थापाले ओली र प्रचण्डका कारण मुलुक दुर्घटनाको संघारमा पुगेको पनि गम्भिर आरोप लगाएका छन् ।
उनले भने,‘केपी ओलीलाई गणतन्त्र मन नपर्ने र प्रचण्डलाई लोकतन्त्र मन पर्न छाडेको छ, यसले देश ठूलो संकटमा फस्ने खतरा देखिएको छ । उनीहरुले हाँकेको जहाज (मुलुक) दुर्घटनामा पर्दैछ, यसलाई जोगाउन प्रतिपक्ष दल कांग्रेस सचेत हुनुुपर्छ ।’
