काठमाडौं, २२ पुस । प्रमुख प्रतिपक्षी दल नेपाली कांग्रेसका महामन्त्री डा. शशांक कोइराला आज नयाँ दिल्ली प्रस्थान गरेका छन् ।
भारतीय प्रधानमन्त्री नरेन्द्र मोदीको विशेष निम्तोमा कोइराला आज नेपाल एयरलायन्समार्फत दिल्ली प्रस्थान गरेका हुन् । कांग्रेसमा हिन्दूराष्ट्रको एजेण्डा उठाउँदै आएका कोइरालालाई मोदीले विशेष निम्तो दिएर बोलाएको स्रोतको दाबी छ ।
मोदीको निम्तो मान्न दिल्ली प्रस्थान गरेका कोइरालाको भारत भ्रमणलाई निकै चासोको रुपमा हेरिएको छ । दिल्लीमा रहँदा कोइरालाले भारतीय सत्तारुढ दल भारतीय जनता पार्टीका शीर्ष नेताहरुसँगपनि भेटवार्ता गर्ने कार्यक्रम भएको स्रोतले जनायो ।
कोइराला यही पुस २६ गतेमात्रै स्वदेश फर्किने कार्यक्रम छ ।
