काठमाडौं, २८ माघ । सत्तारुढ दल नेपाल नेपाल कम्युनिष्ट पार्टी (नेकपा) का अध्यक्षद्धय केपी शर्मा ओली र पुष्पमल दाहाल प्रचण्डबीच पछिल्लो समय सम्बन्ध चिसिएको छ ।
भेनेजुएला प्रकरणलाई लिएर दुई अध्यक्षबीच सम्बन्ध बिग्रिएको भनिएपनि खासमा प्रचण्ड ओलीसँग रिसाउनुको मुख्य कारण सरकार सञ्चालनमा ओलीले एकलौटी गरेको भन्ने रहेको छ । पछिल्लो समय नियुक्ती, सरुवा तथा बढुवामा प्रधानमन्त्री ओलीले प्रचण्डसँग कुनै सरसल्लाह नै नगरेको नेकपानिकट उच्च स्रोतको दाबी छ ।
सरकार गठन भएको एक वर्ष पुग्न लाग्दापनि आशाति प्रस्तुति देखाउन नसकेकोमा ओलीसँग प्रचण्ड फायर छन् । उनले यसअघि पनि भेटेरै ओलीलाई सचेत गराएका थिए । तर, ओलीले प्रचण्डको कुरै सुनेनन् ।
