वैशाख ३, काठमाण्डौ । र।ाष्ट्रिय निजी तथा आवासीय विद्यालय संगठनका अध्यक्ष ऋतुराज सापकोटाले आफूहरुले मनोमानी शुल्क नलिएको दावी गरेका छन् ।
नेपाली रेडियो नेटवर्कको कार्यक्रम नेपाली बहसमा ऋषि धमलासँग कुरा गर्दै सापकोटाले स्थानीय निकायले तोकेको मापदण्डभित्र रहेर भर्ना शुल्क लिइएको दावी गरेका हुन् ।
वैज्ञानिक ढंगले निर्धारण गरिएको शुल्कलाई लागु गरिएको सापकोटाले बताए । नियमअनुसार १० प्रतिशत विद्यार्थीलाई छात्रवृत्ति पनि हरेक विद्यालयले दिएको सापकोटाले बताए ।
सरकारले ल्याएको विद्यार्थी भर्ना अभियानलाई पनि निजी विद्यालयहरुले सहयोग गर्ने सापकोटाले बताए । तर सरकारले ६१ सालदेखि सुरु गरेको अभियान सफल भने हुन नसकेको बताए ।
भर्ना अभियानभन्दा बढि विद्यार्थीलाई विद्यालयमा टिकाउ अभियान पनि सुरु गर्नुपर्ने सापकोटाले बताए ।
