काठमाडौं, ५ बैशाख । आगामी वर्ष दक्षिण अफ्रिकामा हुने यु–१९ विश्वकप क्रिकेट प्रतियोगितामा नेपाल छनौट हुन सकेन । मलेसियामा जारी एसिया क्षेत्रको छनौट खेलमा युएईसँगको १ रनको हारका कारण नेपालले विश्वकप गुमाएको हो। यो क्षेत्रबाट १ देश विश्वकपमा छनौट गर्न मलेसियामा छनौट खेल भइरहेको छ।
नेपालले अन्तिम खेलमा कुवेतको १५८ रनको लक्ष्य पछ्याइरहेको छ। नेपाल–कुवेतको खेल नसकिँदै युएई विश्वकपका लागि छनौट भएको छ । उसले प्रतियोगिताका सबै खेल जितेको छ।
नेपालले भने यसअघि युएईसँगको खेल १ रनले गुमाएको थियो । गत शनिबार भएको खेलमा नेपाल डीरएल मेथडमा १ रनले पराजित भएको छ।
