वैशाख ६, काठमाण्डौ । नेपाल कम्युनिष्ट पार्टी नेकपाका नेता ठाकुर गैह्रेले पार्टीको एकता प्रक्रिया टुङ्गिएको निर्णय पर्खेर बसेको बताएका छन् ।
नेपाली रेडियो नेटवर्कको कार्यक्रम नेपाली बहसमा ऋषि धमलासँग कुरा गर्दै गैह्रेले यही ९ गते एकता पक्रिया टुङ्ग्याउने चर्चा भए पनि विश्वास गर्ने आधार नभएको बताए ।
“यस्ता धेरैवटा ९ गते गुमाइसकेका छौँ । अहिले कतिको वास्तविक हो भन्नेमा पर्खेर बसेका छौँ ।” गैह्रेले भने ।
पार्टी एकीकरणको बसै निर्णय विधि, मापदण्ड, प्रक्रिया र संस्थागत सामुहिक निर्णयका आधारमा हुनुपर्नेमा उनले जोड दिए । सबै नेता कार्यकर्ताले स्वीकार गर्नसक्ने गरी निर्णय गर्न पनि उनले सुझाब दिए ।
नेताहरुबीचमा भागबण्डा नमिलेको भन्दै उनले तत्काल सहमति हुने सम्भावना कम रहेको पनि बताए । विगतमा पनि धेरै पटक सहमति भइसकेको हल्ला चलाइए पनि निर्णय हुन नसकेको उनले बताए ।
