ललितपुर । प्रहरीले अवैध लागूऔषधसहित दुईजनालाई पक्राउ गरेको छ । ललितपुर महानगरपालिका-१३ बाट नियन्त्रित लागूऔषध नोर्फिन १ सय एम्पुल, फेनारगन ९९ एम्पुल र डाईजेपाम १ सय एम्पुल सहित ललितपुर एकान्तकुना बस्ने रुकुम घर भएका २३ वर्षीय संगम बुढा र ललितपुर भैंसेपाटी बस्ने ओखलढुङ्गा घर भएका ३० वर्षीय कृष्ण श्रेष्ठलाई १३ साउनमा प्रहरीले पक्राउ गरेको छ ।
महानगरीय प्रहरी वृत्त सातदोबाटोबाट खटिएको प्रहरीले प्रदेश नम्बर ३/०२/००१ प १४४० नम्बरको मोटरसाइकल जाँच गर्ने क्रममा मोटरसाइकलमा सवार उनीहरुलाई उक्त लागूऔषध सहित फेला पारी पक्राउ गरेको हो । उनीहरुमाथि अनुसन्धान भइरहेको प्रहरीले जनाएको छ ।
