एक किलो सुन पाइन्टको पेटी लगाउनेमा लुकाउने तस्कर

काठमाडौं । अवैध सुन लुकाई छिपाई ल्याउने व्यक्ति पक्राउ परेका छन् । एक किलो सुनसहित रसुवा गोसाईकुण्ड गाउँपालिका-५ घर भएका ३२ वर्षीय पेम्वा दिण्डुप तामाङलाई १५ साउनमा चन्द्रागिरी नगरपालिका २ नागढुङ्गाबाट प्रहरीले पक्राउ गरेको जनाएकोे छ ।

महानगरीय प्रहरी वृत्त थानकोट र महानगरीय प्रहरी प्रभाग नागढुङ्गाबाट संयुक्त रुपमा खटिएको प्रहरीले धादिङबाट काठमाडौं आउँदै गरेको बा.९ प २७२६ नम्बरको मोटरसाइकल जाँच गर्ने क्रममा चालक तामाङले पाईन्टको पेटी लगाउने स्थानमा चार वटा टुक्रामा लुकाई छिपाई ल्याएको अवस्थामा फेला पारी पक्राउ गरेको प्रहरीले जनाएको छ । Photo File: Mukunda Kalikote