काठमाडौं । उपत्यकामा चोरको बिगबिगी बढेको छ । तीनवटै जिल्लामा चोरीका घटना बढेपछि प्रहरीले विशेष सुरक्षा बढाएको छ ।
चोरहरु धमाधम पक्राउ पनि परिरहेका छन् । १९ साउनमा काठमाडौंको डल्लुमा विभिन्न व्यक्तिहरुको कोठामा भएको चोरीको घटनाको अनुसन्धान गर्ने क्रममा चोरी कार्यमा संग्लन ६ जनालाई महानगरीय प्रहरी बृत्त स्वयम्भूबाट खटिएको प्रहरीले पक्राउ गरेको छ ।
पक्राउ पर्नेहरुमा नरदेवी बस्ने कालिकोट धौलागोह गाउँपालिका घर भएका १८ वर्षीय निराजन रोकायसहित अरु पाँचजना रहेको प्रहरीले जनाएको छ । यसबारे थप अनुसन्धान भइरहेको प्रहरीले जनाएको छ ।
