कास्की । प्रहरीले जुवाडेहरुलाई रङ्गेहात पक्राउ गरेको छ । पोखरा महानगरपालिका-११ फुवारी डेरा गरी बस्ने म्याग्दी घर भएकी ४४ वर्षीया आशा तिलिजाको डेरा कोठामा जुवातास खेलिरहेको अवस्थामा आशा तिलिजा समेत चार जनालाई नगद ६७ हजार चार सय ७५ रुपैयाँ र तीन बुक तास सहित २० साउनको साँझ प्रहरीले पक्राउ गरेको हो ।
यसैगरी, पोखरा महानगरपालिका-२५ हेम्जा डेरा गरी बस्ने सोम बहादुर छम्त्यालको कोठामा जुवातास खेलिरहेको अवस्थामा सोही स्थान बस्ने म्याग्दी धौलागिरी गाउँपालिका-५ घर भएका ३४ वर्षीय विक्कल बिक समेत १५ जनालाई नगद ४१ हजार ७ सय ७५ रुपैयाँ र ६ बुक तास सहित प्रहरीले पक्राउ गरेको छ ।
यस सम्बन्धमा स्थानीय प्रहरीले थप अनुसन्धान गरिरहेको जनाएको छ ।
