काठमाडौं । जुवातासको खेलीरहेको अवस्थामा प्रहरीले तासको बुक सहित पक्राउ गरेको छ । धुलिखेल नगरपालिका ६ स्थित रिना केसीले संचालन गरेको होटलबाट जुवातास खेलीरहेको अवस्थामा राम पराजुली लगायत पाँच जनालाई नगद ९३ हजार ४ सय ३० रुपैयाँ र तास १० बुक सहित जिल्ला प्रहरी कार्यालय काभ्रेबाट खटिएको प्रहरीले २५ साउनको दिउँसोे पक्राउ गरेको हो ।
यसैगरी, पोखरा महानगरपालिका ८ नागढुङ्गा बस्ने बालकृष्ण शर्माको निरज होटलमा जुवातास खेलिरहेको अवस्थामा होटल संचालक शर्मा समेत सात जनालाई चार बुक तास र नगद ६२ हजार ८ सय ३५ रुपैयाँ सहित २५ साउनको दिउँसो पक्राउ गरेको प्रहरीले जनाएको छ ।
यसैगरी कास्की, पोखरा महानगरपालिका ५ पर्स्याङ डेरा गरी बस्ने स्याङ्जा घर भएकी कमला क्षेत्रीको कोठामा जुवातास खेलिरहेको अवस्थामा कमला क्षेत्री सहित आठ जनालाई चार बुक तास र नगद १ लाख २१ हजार १ सय ४० रुपैयाँ सहित प्रहरीले पक्राउ गरेकरो हो । यस सम्बन्धमा स्थानीय प्रहरीले थप अनुसन्धान गरिरहेको बताएको छ ।
