धनुषा । परीक्षा हलबाटै प्रश्नपत्र म्यासेन्जरबाट आउट गर्नेलाई प्रहरीले पक्राउ गरेको छ । पक्राउ पर्नेमा धनुषा उपमहानगरपालिका ४ का लिलाराज शिवभक्ति लगायत तीन जना छन् । उनीहरुलाई २६ साउनको दिउँसो सोही स्थानबाट प्रहरीले पक्राउ गरेको हो ।
एमबिएस परीक्षा हलबाटै प्रश्नपत्र म्यासेन्जरबाट आउट गरी फोटोकपी गर्दै गरेको अवस्थामा उनीहरुलाई पक्राउ गरेको हो । राम सागर राम स्वरुप बहुमुखी क्याम्पसमा एमबिएस प्रथम बर्षको तथ्याङ्कशाष्त्र बिषयको परीक्षा सुरु भएपछि परीक्षा हलबाटै प्रश्नपत्र म्यासेन्जरबाट आउट गरी सोही ठाउँस्थित सुजित कुमार मण्डलको फोटोकपी सेन्टरमा गई फोटोकपी गराउँदै गरेको खबर प्राप्त पश्चात जिल्ला प्रहरी कार्यालयबाट खटिएको प्रहरीले उनीहरुलाई पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।
