अछाम । जीप दुर्घटनामा परी तीन जनाको मृत्यु भएको छ । घटनामा तीन जनाको मृत्यु भएको छ । अछामको जयगढ गाउँपालिकाको कालिकामा गएराति से१ज ९९५ नम्बरको जीप सडकबाट सात सय मिटर तल खस्दा जीपमा सवार एक जनाको घटनास्थलमा र दुई जनाको उपचारका क्रममा मृत्यु भएको थियो ।
मुजाबगरबाट जयगढतर्फ जाँदै गरेको जिप राति ८ बजेको समयमा दुर्घटना भएको जिल्ला प्रहरी कार्यालय अछामले जनाएको छ ।
दुर्घटनामा मृत्यु हुनेहरुको पहिचान भइसकेको छ । जयगढ–४ का ३८ वर्षीय कालु सिंह आउजी, ३५ वर्षीय अशोक परियार र बैतडीको डिलासैन गाउँपालिका–३ का २२ बर्षीय लाल बहादुर बोहोरा छन् । बोहोराको घटनास्थलमै मृत्यु भएको हो । आउजी र परियारको भने उपचारको क्रममा मृत्यु भएको अछाम प्रहरीले जनाएको छ । घटनामा घाइते तीन जनाको उपचार भइरहेको छ । बचेकाहरु जीपबाट उछिटिएर बाँच्न सफल भएका थिए ।
