बर्दिया । भरुवा गोलीसहित एक व्यक्ति पक्राउ परेको छ । पक्राउ पर्नेमा बारबर्दिया नगरपालिका–५ बस्ने बल बहादुर थारु छन् ।
उनलाई भरुवा बन्दुक १ थान र पासो २ थान सहित प्रहरीले पक्राउ गरेको हो । थारुको घर खानतलासी गर्ने क्रममा ईलाका प्रहरी कार्यालय जयनगरबाट खटिएको प्रहरीले उक्त बन्दुक तथा पासो फेला पारेको हो । यस सम्बन्धमा प्रहरीले थप अनुसन्धान गरिरहेको छ ।
भरुवा बन्दुकसँगै पासो समेत फेला परेकाले उनी जङ्गली जनावरको शिकारमा संलग्न भएको हुनसक्ने भन्दै प्रहरीले अनुसन्धान अगाडि बढाएको बुझिएको छ ।
