भक्तपुर । भाग्दै गरेको चोर पक्राउ परेका छन् । भक्तपुरको चाँगुनारायणको घर चोरी गरी भाग्दै गर्दा स्थानीयले दिपक गिरीलाई नियन्त्रणमा लिएका हुन् ।
२३ वर्षीय गिरी भक्तपुर, चागुँनारायण नगरपालिका–८ रानीबारी बस्ने ५६ वर्षीय श्रीराम खत्रीको घरबाट करिब ३ लाख २५ हजार बराबरको धनमाल चोरी गरी भाग्दै थिए । उनी सिन्धुपाल्चोक सिमपाल घर भई हाल भक्तपुर नगरपालिका–१० कमलविनायक बस्दै आएका थिए । प्रहरीले स्थानीय बासिन्दाको सहयोगमा पक्राउ गरेको जनाएको छ । यस सम्बन्धमा प्रहरीले आवश्यक अनुसन्धान गरिरहेको बताएको छ ।
