काठमाडौं । नेपाल प्रहरीमा पाँच पदमा ३८ सय ३१ दरबन्दीका लागि जागिर खुलेको छ । प्रहरीले ६ भदौमा सूचना प्रकाशित गरी दरखास्त आवेदन माग गरेको हो ।
कुल दरबन्दीमध्ये प्रहरी जवान (जनपद) तर्फ ३५९६, प्रहरी कार्यालय सहयोगी (भान्छे) १८०, प्रहरी कार्यालय सहयोगी (हजाम) १०, प्रहरी कार्यालय सहयोगी (कुचिकार ) २०, प्रहरी कार्यालय सहयोगी (खेलाडी) २५ सिट रहेको छ । दरखास्त फारम ९ भाद्रदेखि १३ असोजसम्म भर्न सकिने नेपाल प्रहरीले जनाएको छ ।
प्रहरी जवानका लागि दरखास्त फाराम भर्न रु १५० बुझाउनुपर्ने उल्लेख । साथै एक भन्दा बढी समूहमा दरखास्त दिने उम्मेदवारको हकमा प्रत्येक समूहको लागि २० प्रतिशत का दरले थप दस्तुर लाग्नेछ ।
प्रहरी जवानका लागि १८ बर्ष पूरा भई २३ बर्ष ननाघेको हुनुपर्नेछ । त्यसैगरी प्रहरी कार्यालय सहयोगीका लागि १८ बर्ष पूरा भई २५ बर्ष ननाघेको हुनुपर्नेछ ।
फाराम वेवसाइट www.nepalpolice.gov.np बाट डाउनलोड गर्न सकिनेछ । उक्त वेवसाइटबाट डाउनलोड गरी आवश्यक कागजातहरु संलग्न राखी तोकिएको कार्यालयमा पेश गर्न सकिने प्रहरीले जनाएको छ । दरखास्त पेश र्दा सक्कल प्रमाणपत्रहरुका साथ सम्बन्धित उम्मेदवार स्वयं उपस्थित हुनुपर्ने जनाइएको छ ।
दरखास्त फाराम पाइने र बुझाउने स्थानहरु
महानगरीय प्रहरी परिसर, काठमाडौं
महानगरीय प्रहरी परिसर, ललितपुर
महानगरीय प्रहरी परिसर, काठमडौं
प्रदेश प्रहरी तालिम केन्द्रहरु
सबै जिल्ला प्रहरी कार्यालय
राष्ट्रिय प्रहरी प्रक्षिण प्रतिष्ठान महाराजगञ्ज
