नवलपरासी । प्रहरीले एनसेल टावरम बिस्फोट गर्नेलाई पक्राउ गरेको छ । प्रहरीले सुनवल नगरपालिका–११ जर्गाह बस्ने ४८ वर्षीय आत्मराम आचार्यलाई १४ भदौं बेलुका पक्राउ गरेको हो ।
अस्थायी प्रहरी बिट भुमहीबाट खटिएको प्रहरीले विशेष सूचनाको आधारमा आचार्यलाई सोही ठाउँस्थित बाटोमा हिँडडुल गरिरहेको अवस्थामा पक्राउ गरेको हो ।
आचार्य २०७५ फागुन २९ गते राति सरावल गाउँपालिका–१ तुलसीपुरस्थित महेन्द्र राजमार्गमा रोकी राखेका ना.५ ख ७७४१ र ना.४ ख ६८२५ नम्बरको ट्रक तथा २०७६ साउन १६ गते बर्दघाट नगरपालिका–१३ स्थित एनसेल टावरमा बिस्फोट तथा आगजनी गरेको संगठित अपराध मुद्धामा फरार रहेका थिए । प्रहरीले यस सम्बन्धि थप अनुसन्धान गरिरहेको जनाएको छ ।
